Jæja þá fer allt að fara á fullt hjá okkur hér í Torfunesi og mikið af spennandi hrossum komin á hús.

En helstu fréttirnar þessa dagana hjá okkur eru þær að ákveðið var að fara í samstarf við þau Helga Þór Guðjónsson og Oddnýju Láru Guðnadóttur og bjóðum við þau velkomin í sveitina okkar.

Hér munu þau taka í þjálfun og tamningu en einnig mun vera hægt að leita til þeirra vegna reiðkennslu og ýmsu öðru tengt hestamennsku.

Hér er hægt að skoða heimasíðuna hjá þeim Helga og Oddnýju  www.hestaland.123.is

Kveðja Torfunes :)

Jæja þá er önnur helgi af fjórum á námskeiðinu hjá Metta búin.

Í þetta skipti var deginum skipt upp þannig að fyrir hádegi fengu allir 20 mín einkakennslu þar sem farið var yfir hvern hest og smellti Mette sér á flesta hestana. Eftir það var tekinn léttur hádegismatur áður en farið var í rúmlega klukkutíma langa sýnikennslu þar sem farið var yfir hvernig hesturinn lærir og fleira. Eftir sýnikennsluna voru svo hóptímar og einkatímar eftir því hvað fólk vildi.

Þessi dagur var langur og skemmtilegur og gátum við ekki betur séð en að allir hefðu farið alsælir heim.

Viljum við þakka þeim sem voru með okkur þennan laugardag fyrir frábæran dag og hlökkum til að sjá sem flesta á næstu námskeiðshelgi.

Myndir eru komnar inn á facebook síðuna okkar og koma hér inn á síðuna fljótlega

Kveðja Torfunes

Viljum minna á námskeiðið á laugardaginn hjá Metta. Hún ætlar að hitta alla klukkan 9:00 og fara yfir daginn.

Þeir sem ekki eru skráðir á námskeiðið en hafa áhuga á því að fylgjast með kennslu og sýnikennslu hjá Metta geta keypt sig inn. Dagurinn fyrir þá kostar 4.000 kr, innifalið er morgunkaffi og léttur hádegismatur. Þeir sem hafa áhuga eru beðnir að skrá sig annaðhvort í síma 863-9222 hjá Baldvini eða að senda skilaboð í gegnum facebook.

Kveðja Torfunes

Næsta kennsluhelgi hjá Mette verður laugardaginn 7 janúar. Þeir sem ekki eru skráðir á námskeiðið en hafa áhuga á því að koma og fylgjast með geta keypt sig inn á sýnikennslu hjá Mette og einnig fylgst með öllum kennslustundum þann dag.

Áhugasamir hafi samband í síma 863-9222 hjá Baldvin í Torfunesi 

Þökkum öllum þeim sem komu á námskeiðið á laugardaginn fyrir frábæran dag og hlökkum til að sjá ykkur í næsta tíma. Settum inn nokkrar myndir undir albúm  :)

Kær kveðja Torfunes

Hér koma upplýsingar um námskeiðið hjá Metta sem byrjar á laugardaginn 26 nóv.

Mæting hjá öllum er klukkan 09:00 en þá mun Metta skipta fólki í hópa og verður hver hópur í 2x40 mín yfir daginn. Einnig verður sýnikennsla eða bókleg kennsla um daginn. Við mælum með því að fólk horfi á hina hópana þar sem það er heilmikill lærdómur líka.

Dagurinn kostar 10.500kr en innifalið í því verði er kennsla, morgunkaffi og kjötsúpa í hádeginu.

Þeir sem ekki eru skráðir á námskeiðið en hafa áhuga á því að fylgjast með kennslu geta keypt sig inn. Dagurinn fyrir þá kostar 4.000kr, innifalið morgunkaffi og kjötsúpa í hádeginu. Þeir sem hafa áhuga eru beðnir að skrá sig annaðhvort í síma 863-9222 hjá Baldvini eða að senda skilaboð í gegnum facebook síðuna okkar.

Með kærri kveðju

Torfunes 

Laugardagana 26.nóvember, 7.janúar, 4.febrúar og 17.mars er ætlunin að halda námskeið með Mette Mannseth.
Verður það haldið í Torfunesi, Suður-Þingeyjarsýslu.
Nánari upplýsingar er að finna hjá Baldvin í Torfunesi í síma 863-9222 eða á torfunes@gmail.com

Hér koma nokkrar myndir af folöldum sem fæðst hafa í sumar hér í Torfunesi.

Fyrsta myndin er af hestfolaldi undan Mánadís frá Torfunesi en faðir er Trymbill frá Stóra-Ási.

Þá kemur blesótt hryssa undan Eldingu frá Torfunesi. Faðir er Markús frá Langholtsparti.

Svo er hér skjótt hryssa, móðir er Myrkva frá Torfunesi og faðir er Verdi frá Torfunesi.

Þá er hér rauður hestur, móðir er Fiðla frá Akureyri en faðir er Möttull frá Torfunesi.

Hér er brún hryssa undan Óperu frá Torfunesi. Faðir er Gígjar frá Auðholtshjáleigu.

Að lokum er svo brúnn hestur undan Bylgju frá Torfunesi. Faðir er Karl frá Torfunesi.

Von er á fleiri folöldum í Torfunesi og munum við setja inn myndir eins fljótt og mögulegt er af nýju Torfuneshestunum.